袁咏仪（靓靓）同老公张智霖（Chilam）育有一个11岁大嘅囝囝张慕童（魔童），魔童近年沉迷踩滑板，每次放假都例必出现喺滑板场，可见佢非常热爱呢一项运动。不过今次魔童就唔玩滑板，改玩滑水！事关靓靓同Chilam带咗佢出海玩，仲喺社交网甫出多张新相，相中见魔童着晒安全装备大玩滑水，见佢滑得咁有板有眼，真系一啲都唔似新手，睇嚟佢都几快上手喎！唔知魔童会唔会考虑改玩滑水呢？除咗滑水之外，魔童仲同Chilam一齐划艇，不过Chilam好似只系坐喺只艇上面等魔童划，难怪魔童个样会咁吃力喇！虽然一家人难得可以齐齐出海玩，但系靓靓都忍唔住留言：“欢乐时光=放电”唔少网民都话靓靓同两个大细路去玩，简直就系放晒佢自己啲电，真系做人妈妈甚艰难呀！
预览时标签不可点收录于合集#个上一篇下一篇