叻女陈嘉宝老公带埋6个月囡囡出海滑水

陈嘉宝老公黄颂祈（Epaphras）系出名嘅滑水健将，佢唔单止教识陈滢、蔡思贝、何雁诗等多位圈中好友玩滑水，呢日佢仲带埋6个月大嘅囡囡Hosanna出海，唔知系咪想自小就培养囡囡对水上活动嘅兴趣，将来训练佢成为滑水高手呢？Epaphras喺社交网晒出一段抱住囡囡出海滑水嘅片段，片中佢一手拉绳一手抱住Hosanna，之后先松开绳索继续滑水，然后再抱囡囡慢慢靠向水面，虽然Hosanna嘅脚仔浸入水中，但佢一啲都唔惊，表现得非常淡定，果然尽得爸爸嘅真传。