近期圈中掀起咗一股“滑水潮”，唔少艺人好似容祖儿、陈滢及蔡思贝等都迷上咗出海玩滑水，呢日艺人陈家乐同卫诗雅就互相挑机，斗企喺水面唔用绳索嘅协助下维持十秒，输咗嗰个仲要接受大惩罚添！唔好睇卫诗雅好似娇滴滴咁，其实佢早有玩滑水嘅经验，之前仲同何家千金何超莲边玩滑水边对嘴拍MV，所以佢对呢次挑战信心爆棚，出海前仲不停咁笑陈家乐系滑水初哥。点知佢一落场就即刻淆底，不但问教练点落水，仲调转咗块滑板搞到起唔到身。虽然佢最后成功企起身兼放开绳索，但只系Keep到几秒就跌低，令陈家乐未玩先赢。轮到陈家乐，佢赤膊骚肌上阵，第一次挑战已经成功企起身，之后仲顺利喺水面滑足十秒，完美KO卫诗雅，认真有姿势又有实际！陈家乐挑战成功之后非常得戚，仲要求卫诗雅要揸船出海中心大嗌“陈家乐好劲”添！唔少网民都大赞陈家乐系男神，指佢玩滑水时chok到爆，亦有好多网民觉得佢哋呢对斗气冤家相当合衬，纷纷留言大叫“在一起”！网民有话儿：LxhXxxxxda：在一起！在一起！在一起！mspxxxxxes：家乐BB叻叻猪～NxxNxx：两个都超正!黎xx军：爷爷好劲好犀利!!!!
扫描下面