红加蓝李彩华出海滑水晒长腿

虽然近日天气唔稳定，但系唔少艺人都会把握机会出海同阳光玩游戏。好似艺人李彩华（Rain）亦唔例外，就算冇太阳都冇阻佢出海滑水嘅雅兴，仲将靓相放上社交网同网民开心share！Rain着上红蓝间条图案滑水套装，虽然冇晒事业线，但系白滑长腿已经够晒吸睛，Rain仲搞笑留言：“成日wake唔通系要参加比赛嘅节奏”有网友就话如果Rain真系去比赛，一定系全场最索嘅参赛者！